Tui Khing Zang Khua St. John Paul II Biakinn Thak leh Tonu Suangbuk Thak Thupha Piakna (9.5.2022)

Sawbua Parish sunga om Tuikhingzang Khua ah May 9, 2022 ni-in Kalay Diocese hong cing hong kem Bishop Felix in St. John Paul II, Biakinn Thak leh Tonu Suangbuk Thak thupha piakna nei hi. 
            Siadawpa pen Nipini zingsang in Kalaymyo pan pai-in Tuikhingzang khua a tun ciangin Sawbua Parish Priest Rev. Fr. Joseph Lalngilnei makaihna tawh Vaidawnna nasia takin bawl uh hi. Tua khitteh Missa Biakpiakna ki pan suak pah hi.
              Missa Biakpiakna sungah Siadawpa leh Siampite (5) kihel in Thu Khing Zang Khua ah thuzui mi inn (30) bek pha in mi atam nailoh hangin Parish bup pan ki pai ahih manin mipi (300) kim bang pha thei dingin ki lamen hi.
         Tonu Suangbuk pen hih a nuaia a piakhia te min a kigelh mah bangin Misiangtho Lucy min nei mi (3) te kipawl khawmin a piak khiat uh hi-in thupi mahmah leh hoih mahmah hi.