Thuhilhsia te Pahtawina Sts. Peter & Paul Parish (22.10.2023)

Sts. Peter & Paul Parish acing akem Rev. Fr. Maximian Pau Sian Mung vaihawm siamna tawh (Mission Sunday) Pawlpi khantohna ding thungetna nipi ni-in Thuhilhsia te Pahtawina ki nei hi.

         Missa Biakpiakna pen Fr. Joseph Thang NenZo Mung in makaih in Pasian kammal tawh Kha-an vakna pen Fr. Augustine Ha Khui Om in makaih hi.

         A mah in tu laitak leitung buppi ah Catholic thuzui mi bangzah pha, kua pawl tam pen cih thu te leh Mission nasepna pen Siampite sep ding bek hi lo in tuisawpna a ngahsa thuzuite khempeuh ii sep ding a hihna thu te limtak in gen hi.

        Tua banah thuzuite ii Mission nasepna a thupit zia pen African gamah nidang lai-in Siampite leh Nungak siangtho te Pasian nasem in a pai lai-in kua mah Pawlpi sungah lut nuam nai lo in a om na thu leh tua hun laitak in Catholic thuzui mi innkuan khat a tun uh ciangin tua innkuan te om zia a muh uh teh pakta in mi tampi tak thuzuimi a suahna thu te tawh genteh in thu zui mite Mission nasepna a thupit zia te gen khia hi.

        Missa Biakpiakna a man ciang in inntek Suampipa Fr. Maximian Mungpi in Leitung ah Sia ih cih pen nam tuam tuam om hi a hoih hita leh a hoihlo lam hi ta leh a makai te peuh peuh Sia ki ci-in a mau siamna nam khat tek ah ဆိုက်ကား hawl te zong Sia mah ki ci uh hi. 

       A hi zong in tu ni-in ih Pahtawi ding ih sia te pen nam khat bek ah Sia hi lo in Pasian thuhilhna hi ta leh innkuan sung pattahna hi ta leh lampi tuam tuam pan a makai te uh a hih manun Thuhilhsia ki ci-in a thupi mah mah ahi hi. A mau te in kam bek tawh a hilhte hilo in gamtatna tawh zong a hilh te a hih manun pahtawi tak mah mah uh hi ci-in thu kong hon na gen hi.

     Tua khitteh lasakna, latt Saung piakna leh Sia John Thang Kap Pau tung pan Lungdam koh thu gen na tawh hun te ki mansak hi.

     Sts. Peter & Paul Parish ah Thuhilhsia mi (6) pha-in tua ni-in a kikhawm thuzuimi tul kim pha dingin ki lamen hi.

        A diakdiak in ei Kham tung gam ah Pasian thu tangko Mission a sem te pen Thuhilhsa te hi phadiak uh a hih manin World Mission Sunday ni-in ih Diocese in Thuhilhsia te Pahtawina a nei ih hih lam zong hong phawksak nuam ing.