Thanksgiving Mass Presided by His Grace Archbishop Paul Tschang In-Nam (2.9.2022)

Vatican leh Myanmar gam Zumlam kizopna bulpi (Apostolic Nuncio) a sem Archbishop Paul Tschang In-Nam pen Sep 1, 2022 ni-in Yangon hong tungin Sep 2, ni-in St. Mary Cathedral, Yangon ah ama makaihna tawh Missa Biakpiak kibawlin tua khitteh nohsetpawi ki bawl suak pah hi.
Hih Missa Biakpiakna leh nohset pawi ah Siadawte amah tawh a kigawm vekpi (12) kihel thei hi. Amah in Myanmar gamah Kum (10) sung vaipuak hong sem in tua hun sungin Diocese tuam tuam ah zong zin kawi khawi ahih manin Myanmar gam mite itna tel mah mah ahih manin "nongitna uh hangin lungdam ing" ci-in kapdek liangin a lungdamna thu te leh ih gam ading a deihsakna thu te hong pulaak khia hi.
Tu laitak in Diocese (4) in Bishop neilo uh ahih manin tua te aa dingin zong a manlang thei thei in hong vaihawmpih ning ci-in kamciam pia hi.
Amah pen South Korea, Seoul khuapi pan hi-in tu-in kum (72) pha khin ta hi. Ama nasepna te Khasiangtho in a makaih den nangin thu ngetsak ciat ni.