Tauleng Khua Biakinn Thak Kimansiang Dekta

Tunung lamin meikatna hang tawh Tauleng khua Biakinnpi ki mu thei nawnlo hi mah ta leh mun tuamtuam a om thuzui mite huhna leh Dalkhai Parish acing akem Rev. Fr. Cyril Thang Dong Mang makaih siamna tawh tu-in Biakinn thak lam a ki mansiang ding hi ta ahih manin lungdam huai mahmah hi.
Biakinn pen a lui sangin tampi takin hoih zaw ahih manin a sunga a kikhawm ding te zong nidang sangin ih hoih zawk ding kisam pha mahmah hi.
Huhna apia te pan kipan a sem abawl, agim a tawl mimal khat kim ciat tungah ih Biak Topa Pasian in thupha kicing takin hongpia ta hen! Amen.