St. Peter Biakinn Thak Hon Pawi, Tuidil Khua (25,26.3.2023)

Laaitui Parish Priest Rev. Fr. Joannes Cin Sian Langh Thang ii vaihawm siamna tawh Tuidil Khua aa om St. Peter Biakinn Thak pen March 26 ni-in Kalay Diocese hongcing hongkem Bishop Felix Lian Khen Thang i thupha piakna tawh nopci tak in ki hong hi.
Tua Pawipi sungah Siadaw khat, Siampi (8) leh Deacon nih kihelin 25 ni zin ki tung ahih manin nitak nih sung noptak in lenkhopna leh Pasian thu tangkona te ki bawl hi.
Tu kum sung ih Diocese sungah Biakinn thak honpawi pen Tuidil khua tawh a li veina hi-in Biakinn te zong hoih thei mahmah in lungdam huai mah mah hi.
Biakinn lamna tawh kisai-in a gim a tawl, huhna a pia mimal khat kim tungah ih Biak Topa Pasian in thupha hong piaksak ta hen! Amen.