St. Peter Biakinn, Munlai Parish Hon Pawi, (22.2.2022)

Missa Biakpiakna Zingsang nai (9:00) in Siadawpa Makaihna tawh ki panin Siampi (15) leh thuzui mi (500) kim kikhawm thei hi. Christma Hanthotna a sang mi (30) kim pha in Siangtho Pumpi a sang cil naupang (40) kim bang pha in tha ngah huai mah mah hi.

Missa Biakpiakna hun sungin Siadawpa in nidang lai-in Siampite tun zawhloh na munte ah thuhilhsia te ii Pasian thu a hilh zia te leh a mah zong a neu lai-in a nu in Pasian thu a pattah zia te a gen kawmin Nu le Pa te in tate Pasian thu tawh a maikaih ding a thupitna thu te gen in thuzui mite thapia hi.

Tua khitteh Fr. Damian Dal in Christmas Hanthotna a sang dingte Pasian thu hilh cian na nei hi.

Missa man ciangin Tahan St. Theresa Parish Priest Fr. Joseph Kap Tung Nung in Parish Thak hon na lai te leh tua Parish ii gamgi teng tangko khiatna hong nei hi.

Tua ban ah inntek Topa Fr. Robert Hau in Siadawpa, Siampite leh mipi tung ah lungdam kohna thu a gen khitteh huhna a piate leh a diak diak in Tahan a innpite uh tungah lungdam na thu hong gen hi.

Kikhop man ciangin Munlai Parish in a kikhawm teng sun-an hong vak hi.

Munlai Parish huam sunga om thu zuite pen tu laitak in inn (200) pha nai lo deuh ci uh hi.