St. Henry Biakinn thak hon pawi pen March 13,2023

Inauguration of St. Henry Church, Singpiel Village, Kanmagyi Parish (11.3.2023)

Singpiel Khua St. Henry Biakinn thak hon pawi pen March 13 ni nitak lam nai 3:30 pawlin ki pan hi.

Biakinn mai pan Mualsuang thupha piakna, Biakinn thupha piakna, Khau atsatin mutpuak khahna cih te tawh ki pan hi.

Tua khitteh Siadawpa in Biakinn Kongkhapi hongin tuisiangtho thehna leh Lawban taihna hong nei hi. Tua khitteh Mipite zong Biakinnpi sungah lutin Missa Biakpiakna ki pan hi.

Siadawpa ii thu genna a man khitteh Pasian tau tungah Misiangtho te guh koihna, Pasiantau leh Biakinn kawm te Sathau Siangtho nuhna, Tuisiangtho thehna leh Lawban taihna te ki nei-in Missa Biakpiakna tawh ki zomto suak hi.

Zintun nitak ahih manin a tung hakte a kikhawm manlo zong om ih hi. Biakinn sungah khuam khat zong omlo a hih manin tanzau in nop mah mah hi.

Biakinn kong hon pawi Missa Biakpiakna pen nitak lam nai 5:30 pm pawlin nuam takin ki man siang hi.

Zintun ni pan ki panin upmawhna sang mi tamzaw ahih manin lungdam mah mah hi ci-in inntek siampipa in lungdamna thu pulaak khia hi. Tua banah anletui zong upmawhna sang kicing pha lo zaw ahih manin kong thum hi. Zingciang pan ki pan hong lem semsem ding hi ci-in inntek Siampipa Rev. Fr. Alphonses Ngul Kho Mang in lungdamna thu hong tangko hi.

Biakinn thak pen Design a om ngei nailo khat hi-in hoih mah mah hi. Bemkim pian ahih manin a nunggual pen aa te zong Pasian tau tawh kigamla lua lo in zatnop mah mah hi.

 

Add new comment

5 + 1 =