(SJA) TE JUBILEE PAWI PI (22.3.2022)

(SJA) St. Joseph nungak siangtho te, Myanmar gamah hong tun zawh kum (175) cin Jubilee, Sr. Alberta Khai Za Dim (Suangpi) ii nungak siangtho suahzawh kum (50)cin na Golden Jubilee Pawi leh Sr. Margarita Sai Tin Thiam (Lumbang) leh Sr. Perpetual Nang Do Man (Vangteh) te ii nungak siangtho suah zawh kum (25) cin Silver jubilee lungdamkohna pawi pen 22.3.2022(Tue) ni-in St. Mary Cathedal Kalaymyo ah nasiatakin ki bawl hi.
Missa Biakpiakna ki pat ma-in Sister te ii sang mai pan Jubilee Pawi hon na (ဖဲကြိုးဖျက်) na ki bawl masa hi. Tua khitteh Biakinn sung ah ki lut in Diocese tuam tuam pan pahtawina leh lungdam pih na tawh a khak uh lai te sim na ki nei hi.
Missa Biakpiakna hun sungin St. Joseph Nungak Siangtho teng in ki ciam na (Renewal of vows) bawl uh hi. Missa Biakpiakna a man khit ciangin Jubilee a la Nungak Siangtho te St. Mary’s Cathedral parish priest Fr. Dominic Lang ii vaihawm siamna tawh thuzui te in pah tawina, letsong piak na te nei uh hi.
Tua khitteh Nungak Siangtho te in a saptuam teng uh sunan vak na nei hi. Hih Jubilee pawipi aa ding in Nungak Siangtho te pahtawina in St. Mary Parish pan Vok agol mah mah khat pia khia a hih manin nek leh dawn zong ki cing mahmah hi.
Missa Biakpiakna hun sungin Siadawpa in St. Joseph Nungak Siangtho te ii Myanmar gam a hong tun na hangin Pasian thu bek thamlo in leitung thu lam ah zong tampi tak ih khantohna thu te hong gen hi.
Jubilee a la Nungak Siangtho te Pahtawina hun sungin Sr. Margarita in Jubilee pawi a bawl theih na dingin thupha a pia Pasian tung leh a Nu leh a Pa pan ki pan Pawi a bawlsak a lawm Nungak Siangtho te leh thuzui mite tung ah lungdam kohna thu gen khia hi.
Inntek Topa Fr. Dominic in St. Joseph Sister te pahtahsa mite sung pan Siampi a suak leh Nungak Siangtho a suak tampi a om na thu te a gen khitteh a mahmah zong St. Joseph te ii Boarder pan a khang khia a hih na thu zong hong gen hi. Tua khitteh Sr. Phe Ling Ya (Provencial) in Jubilee pawi bawl na ii a deih na teng a hong gen khitteh Jubilee thupha kicing takin ka ngah nangun sepna bawlna te khempeuh ah a ki lawmlo gamtat khialhna a om khak leh a kua matek in mawh main a hongpia un ci-in mipite tung ah thuumna nei hi.
Missa Biakpiakna sungah Siadawpa leh Siampite (20) kim ki pha in thuzuite zong Biakinn dim in ki khawm thei uh hi. Sun 12:00 kim pawlin Pahtawina hun ki manta a hih manin Sun-an nekna tawh Jubilee Pawi bawlna teng picing takin ki man siang hi.