Siangthopumpi Pawi, St. Peter & Pawl Biakinn, Kalaymyo (11.6.2023)

Kalaymyo Sts. Peter & Paul Biakinn pi ah Rev. Fr. Maximian Pau Sian Mung (PP) vaihawm siamna tawh Siangthopumpi Pawi nasia takin ki bawl hi.
Missa Biakpiakna pen Inntek Siampipa Rev. Fr. Maximian Pau Sian Mung (Parish Priest of Sts. Peter & Paul in makaih in Rev. Fr. Joseph Thang Nen Zo Mung ( Director of KOSC & RVA) in kha-an vakna nei hi.
A mah in Piancil (2:17) na sungah ne kei un a kici Singgah pen Numei a hi Eve in a nek khak manin mawhna sungah a tung ih hi a, Numei a hi Tonu Maria sung pan a pusuak khia singgah (Siangthopumpi) ih nek na hangin mawhna pan suahtakna, tawntung nuntak nopsakna angah ih hih na thu (Jn 6:51-58) na bulphuh in hilhcianna nei hi.
A mah in Siangthopumpi san ding a kisap na thu te a genna ah "Ne ken un a kici te nelo in, ne un a ki ci te ne ciat ciat ni. Numei ahi Eve sunga a tum Singgah in sihna hong tungsak a hih manin nek loh ding ahi hi. Numei ahi Tonu Maria Sung pan a pusuak singgah a nete in tawntung nuntak nopsakna ngah ding a hih manin ih nek ding ahi hi. Ne kei un a kici te ne lo in ne un a ki ci te ih nek zawh nang hanciam ciat ni" ci-in nisim in Siangthopumpi san den ding a kisapna thu limtakin hilhcianna nei hi.
Missa Biakpiakna a man khitteh Inntek Siampipa in Siangthopumpi a sangcil naupangte pahtawina laipi piakna nei-in naupangte leh mipi te in tha ngah mah mah uh hi.
Hih Sts. Peter & Paul Biakinn ah Sacramentu te a kipiak ciangin pahtawina laipi piakna ki nei den ahih manin Pawlpi Upa ye khatin a thangahna a gen na ah "hi bangin laipi piakna pen mundang, gamdang a pai nuamte aa dingin zong, tuisawpna letmat, Siangthopumpi sanna letmat leh Confirmation sanna letmat hi pahpah ahih manin thupi mahmah hi. Tua bek thamlo in inn ah ki suang thei pah a hih manin ih muh sialsial in Sacramentu te ih san ni kiphawk den ahih manin thupi sa mahmah ing" ci-in genkhiatna nei hi.
Hih Siangthopumpi pawi ni-in Siangthopumpi asangcil naupang mi (50) kim pha-in mi vakpi (1000) kim kipha hi.
By Fr. Joseph Zo Mung