Second Gospel Touring of Seminarians (22.10.2023)

Kalay Diocese pan Brother te Sangkhak sung a makaih Rev. Fr. Raphael Suang Cin Khup leh Ingyinkhone Parish Priest Rev. Fr. Andrew Thang Ngaih Lian te vaihawm siamna tawh tuni World Mission Sunday ni-in Ingyinkhone Parish Aungywa khua ah (Brother) Tangval Siangtho te va pai-in Missa Biakpiakna leh Pasian thu tangko na te nei uh hi.
Aungywa khua ah inn (400) val bang a phak na lak ah thuzui mi inn (30) bek pha hi mah ta leh thuzuite tha hat uh a hih manin Biakinn hoih zong nei zo uh hi.
Brother te pai na hangin thuzui mite in tha ngah mah mah uh hi. Brother te pen a sawt lo in Parish tuam tuam ah kikhenin Pasian nasem dingin kuan khia ding uh hi.
Aungywa aa om thuzuite leh Brother te aa dingin thu ngetsak ciat ni.