SACRED HEART EDUCATION (SHE)

Rev. Fr. Damian Zam Sian Dal (PP of Sacred Heart Church) ii makaihna tawh Pilsin na ding innthak thupha piak na

Hlaingthaya-Phai aa om Siangtho Lungtang Parish ah tuni (9.5.2022) ni-in Rev. Fr. Damian Zam Sian Dal (PP of Sacred Heart Church) ii makaihna tawh Sangnaupangte Pilsin na ding Education Centre thak khat thupha piak na tawh ki hong hi.

Hih Pilsinna Sangah pen Sangnaupangte tan khat pan tan sawm ciang khen (4) in kikhen in Sya, Syama te in Kawllai, Zolai, Manglai leh Mathematics te nisim in kician tak in hilh ding uh hi. Tua ban ah RC Sang a hih manin Pasian thu tawh kisai leh gamtat hoihna tawh kisai teng zong limtak in ki hilh ding hi.

Sangnaupangte tung zong pan Sangkah man sum pia uh a hih manin Sya, Syama te in zong limtakin lai hilh ding, hun man ding cih thu te leh Education Committee te ii thukhun piak te a zui lo, Sya, Syama te leh Sangnaupang te sung pan a om khak leh khat vei warning ki pia dinga tua khitteh a kikhel lo te pen Sang pan ki ciah sak kik ding, Sangkah dingin ki sang nawnlo ding cih thu te zong Rev. Fr. Damian Dal in sang hon pawi ah pulaak khia hi.

Hih Sangnaupangte sungah Pawl dangte zong tampi kihel a hih manin tua sangnaupangte in zong thungetna leh lasak na te ah RC ngeina mah tawh kituak in om ding a ki sapna thu te zong inntek Siampipa in pulaak khia hi.

Inntek Siampipa ii ngimna gelna te tangtungin naupangte in Pilna kicing takin a ngah zawh nangun thu ngetsak ciat ni.

Add new comment

3 + 5 =