Russia le Ukraine te Tonu Lungtang tungah apna nei ding

Pope Francis in Russia le Ukraine te Tonu Lungtang tung ah ap na pen March (25) ni-in neiding aa Potugul gam Fatima a om, Tonu lim pen Lviv ah march (16) ni-in ki pai pih ta hi. Poland gam Calico ah tawmvei khawl ding aa Ukraine gam Lviv ah pai suak ding hi. Fatima Tonu lim pen Lviv ah kha (1) sawt ding hi. Fatima Tonu lim pen Jose Ferreia Tedin in 1917 kum in Tonu Maria amit tawh amu ahi, Sr.Lucia, Francisco leh Jacinta te ii gen bang lian in a bawl ahi hi. Tonu lim bawl masak pen 1947 may kha (13) ni-in Siadaw Leiria in thupha pia in kumpinu lukhu khusak hi. Tuni ciang in Fatima Tonu lim kigawm (13) om khin hi. 1981 kum, Pope John Paul II thau tawh a kikap lai-in apum sung ah alut thau tang pen Tonu’ Kumpinu lukhu ah ki koih hi. Fatima Tonu lim pen Itna le Kilemna limlah na tawh leitung gam tuamtuam ah pai kawikawi khin hi. Ukraine Siadawte in zong Lungdamtak in amuak na uh leh amaute ading thu hong nget sak un ci-in leitung mikhempeuh te tung ah hong ngen hi. Fatima Tonu hi dan a, ap na pen (ai) dan hi lo zaw in thu nget nading hi, ci-in Russia Siadaw te in zong Pope ii vaihawm na te muak in kipsak uh hi.