Pope Francis tungpan World Communication Day 2021 thubulphuh ding zaksakna!

A 55 veina leitung bup Kizopna (World Communication Day) ni pawi pen hong tung ding 2021 May kha sung bawl ding cih gelkholhna abeisa Sep 29, 2020 ni-in kitaangko hi. Tua pawipi aa thubulphuh dingin, “Hong pai inla, hong en in.”

“Hong pai inla, hong en in” cih kammal pen Lai Siangtho a bulphuh hi. Lungdamna thu a ki tangko ma-in, Kammalte maiah muhnate, teci pan nate, theisiamna te, kithuah pihnate leh ki pumkhatnate pen kammal khat in nuntakna cih ahi hi.

“Hong pai inla, hong en in, “ John lai Siangtho mun pen “mi dangte tawh a piang bang leh a hi bangun koi mun cih omlo Kizop kipawlna, kipumkhatna” cih thulu pen Pope Francis in a tel khiat ahi hi.

John 1:43-46.

"A zing ciangin Jesu in Galilee gamah pai dingin a khensat hi. Amah in Philip mu a ama kiangah, “Ka nung hong zui in,” a ci hi. Philip in Andrew le Peter-te’ teenna khuapi Bethsaida khua mi mah ahi hi. Philip in Nathanael a muh ciangin, “Moses in Thukham sunga ama thu a gelh, kamsangte in zong amah tawh kisai a na gelh uh, Joseph’ tapa Nazareth mi Jesu ka mu zo uh hi,” a ci hi. Nathanael in, “Nazareth khua sung pan na hoih khat hong piang thei ding ahi hiam?” ci-in a dong hi. Philip in, “Hong pai inla, hong en in,” a ci hi."

Hih a tung aa thu bulphuh tawh ki tuakin hi bangin na gelh hi:

Eite in khuahun ki khelna ih thuak aa, tuhun laitakin puulnatna hangin kizopnate kidawp hun hong hi-in, a ki tangsamte theihna ding leh nate ii a deihna thuman te theihtheihna dingin kizopna, ki pawlna te-in hong theisak dingbek ahi hi. Mite tawh ki mu lo-in, a lungkham ni uh leh a nopna hun uh ah thuak pihna ih neih kei leh thuman ih tel thei kei ding hi.

“Pasian in koimun koimun ah na om zongin nang hong mu hi-in” Pawlpi sungah Media ahih kei leh kizopna te nasepna ah hong makaih thei hi. "Nungzui masate a ki saplai-in, Jesu tawh kimu in tuaciangin a nung a zui dingin zong zawn hi, tua mah bangin eite in zong midangte tungah, ahi bangbangun koi mun koi laiah a om uh zongin Media tungtawnin sam ding hi hang."

By RVA Tedim Chin Service

Credit: Vatican News