Pope Francis in July 25 ni pen Pi leh Pu te pawini in ciamteh

 Photo crd:SIR/Marco Calvarese

July (26) ni, Misiangtho Joachim leh Anna te pawini phawkna in gam pawlkhat te a om Catholic te in tua ni pen NulePa te pawini ci-in nulepa te pahtawina ki bawl hi. Tu in ahih leh NulePa te pawini tun ma, July 25 ni pen Pi leh Pu te pawini ci-in Pope Francis in tangko khia hi. July 26 ni pen Topa Jesu ii pi leh pu ahi, Misiangtho Joachim leh Anna te pawi hi a, tua ni-in nulepa te pahtawina pen Kawlgam Catholic te mah bangin Catholic thuzui om na gam pawlkhat te ah ki bawl hi. Pawlpi in kumham PilePu te tawh kinai takin om hi cih lahna in Pope Francis in Matthew Lungdamna Laisiangtho sung a om, “nang tawh kei ka om khawm den hi” cih Laisiangtho kammal bulphuh dingin teel hi. Hih Laisiangtho kammal thu bulphuh in khangno te in Pi leh Pu te nuntakna tawh om khawm den hi cih lah na hi aa, Pi leh Pu te a dingin zong hih thu bulphuh in Pawlpi sungah khangno te amakaih ahi, amaute’ din mun theih sak na zong ahi hi. Leitung bup mun tuamtuam a om Catholic pawlpi in Pi leh Pu te pawini aa a kisam ding te kiging khol in om uh aa, tua sungah a ki hel te adingin a lamdang ni khat hi ding hi ci-in Vatican in lametna nei hi.

Thulakna: rvamyanmar

 

Add new comment

4 + 0 =