Pope Francis in December 8 ni-in, Tonu lim maiah cidamlote ading thu ngetsak

Pope Francis in December 8 ni, zingsang nai (6:15) ma in Spagna tualpi ah pai in Tonu lim zahtakna pia hi. Zanni in Pawlpi in Tonu Maria mawhcilna neilo aa apiangna pawi nasiatak in kibawl hi.
Pope in Tonu lim mai ah Lingpaak khat ap-in thungen hi. Tua bangin a thungetna ah cidamlo te in Tonu huhna tawh natna satna te pan noptuamna angah nading, khua hun leh gentheih haksatna tuamtuam te hangin lungkham gimna athuak mite ading in thu ngetsak hi ci-in Vatican thu kizaksakna zumpi pan ki pulaak hi.
Suangtum bangin lungtang khauh anei, mite’ gentheih haksatna te a awlmawh lo mite ii lungtang akikhel nading in zong Pope Francis in thungen hi. Tua khit ciangin St. Mary Basilica ah paisuak in Maria Salus Popoli Romani (Roma mite’ cidamna Tonu) kiangah zong thungen in, zingsang nai (7 : 00 ) pawlin Vatican ah ciah kik hi.

https://bit.ly/3rQ2Mwi