Pope Francis in Cardinal Tagle pen " Cardinal Bishop" in a zaa khan

Cardinal Luis Antonio Tagle pen Cardinal lakpan panmun a sang pen a hi - Cardinal Bishop in azaa ki khan. May kha ni (1) ni-in Alianbel Siampipa Pope Francis in Cardinal Luis Antonio Tagle pen " Cardinal Bishop" in a zaa khan hi. Hih zaa pen leitung ah Cardinal 13 bekin a ngah zaa (vaaipuak) hi -in Cardinal te lak pan, a sangpen zaa (vaaipuak) piak na ahi hi. Cardinal Luis Antonio Tagle pen Philippines gam mi hi-in a mah in, nidingin Philippines gam, Manila khuapi ah Archbishop a sem khat ahi hi. Amah pen tu laitak in kum (62) pha in tu-in hih zaa angah Cardinal Bishops (13) lakah a ki hel hita hi. Tua Cardinal Bishops (13) te' lakah, (10) pen Latin Rite pan hi-in a dang (3)te pen Oriental Rite pan in Patriachs te ahi uh hi. Cardinal te' kipawlna pen (College of Cardinals) ci-in (Cardinal deacons), (Cardinal priests) Cardinal Siampi leh (Cardinal bishops) Cardinal Siadaw ci-in nam (3) in kikhen hi. Cardinal Deacons te pen Alianbel Siampipa ii nasep pih vuangyi (Pope's cabinet) te kici hi. Tua vuangyi zaa nei cardinal deacons ten' Curia sung ah hunbit in nasem uh hi.
Cardinal siampite in a hih leh leitung muntuam tuam aa om amaute' ii Diocese tek ah sem uh hi.
Cardinal Siadaw te in Rome khuasung Biakinn khat ah atuam in thukhentheihna (jurisdiction) aana nei-in, tua kawmin Rome uk sung (Roman Curia) RC pawlpi adingin athupi pen ki ukna lamah zong semkawm uh hi. Tua ban ah Cardinal Siadaw zaa angah Cardinal te sungpan Pope a om loh hun in thu vanpi dingin (Dean of college of cardinals) ci-in khat kiteel khia uh hi.
Hih Cardinal Bishop zaa angah thak a hi Cardinal Tagle pen February 9, 2020 ni-in Philippines gam panin Vatican ah “Prefect of the Vatican’s Congregation for the Evangelization of Peoples (or) Propaganda Fide” a kici lungdamna thu tangkona zumpi ah nasem dingin pai hi. A mah in tu laitak in Asia gam, Africa gam leh Oceania gam (တိုက္) te ah Diocese (4000) val ii nasepna te makaih pha diak hi. Tua ban ah (President of Caritas International) ci-in Vatican tawh a kizom gam (200) te ah “Development and Social Service” a ki ci, cimawh huhna leh khantoh na ding pattah nasepna te ah zong Makai pi din mun ah vaipuak nei lai hi. Amah pen Rome khuapi sunga om Cardianl Bishop te om na dinga “seven suburbicarian dioceses” ci-in min akivawh Biakinn pi (7) te lak pan St. Felix of Cantalice at Centocelle a ki ci Biakinn pi ah a om dingin vaipuak ki pia hi.
A mah pen Asia gam mite sung panin a madawk mah mah khat hi-in a ma nasepna te khempeuh ah ih Biak Pasian in matut gualzawhna a piak den nangin thu ngetsak ciat ni.
By- Fr. Joseph Zo Mung
Credit: LICS.News https://philippines.licas.news/
#RVAPastoralcare #News #RVATedimChinService