Pope Francis in Cardinal Simonis hong nusiat na tawh kisai dahpihna lai pia

Cardinal Adrianus Johannes Simones (Photo taken from Vatican News)

Tu laitak aa Utrecht ah Archbishop asem Cardinal Willem Jacobus Eijk kiangah Pope Francis in Sep ni 3 ni-in Netherlands aa hong nusia Cardinal Simonis tawh kisai dahpihna lai pia hi. “A kha in tuucing hoihpa Jesu hehpihna tawh tawntung nuntak nopsakna ngah ta hen,” ci-in Pope Francis in thungetna nei hi. “Cardinal Pa in Rotterdam leh Utrecht ah itna leh upna tawh Pasian na a sepkhiatna te hangin A Vanglian Pasian tungah ka lungdam hi” ci-in Pope Francis in a lungdamna thu genthuah hi

Pope Francis in a lian bel Siampipa hihna tawh “Cardinal Simonis hong nusiakna hang tawh adah akap khempeuh ii lametna ahi thawh kikna Pasian sungah khamuanna leh kilemna hongtung ta hen,” ci-in thupha piakna tawh zawm suak hi.

Cardinal Simonis in 1970 pan 1983 kum ciang Rotterdam ah Bishop leh 1983-2007 ciang Rtrecht ah Archbishop sepna tawh Pasian na semin om hi. A mah pen 1985 kum in Pope John Paul II na-in Cardinal suaksak hi.

Cardinal Simonis pen kum 88 phata aa, September 2, 2020 in Netherlands aa Care centre pan hong nusia hi.

News Transalated by: RVA Tedim Chin Service

https://bit.ly/35hu2J5

Add new comment

5 + 8 =