Philippines ah Catholic Siampi khat thau tawh kikap

Philipines gam in Asia ah Catholic atam penna gam khat ahi hi. Ahi zongin mun dang pan apai Missionary Siampite leh tua gammi Siampite ahi zongin kiman hi, thau tawh kaplupna thuak hi cih thute ki za zel hi. Tu in zong Philippines gam, Malaybalay Diocese pan Catholic Siampi ahi, Rev. Fr. Rene Regalado in January 24, 2021 ni nitak lamin thau tawh kaplupna thuak hi.

Amah pen Carmelite Siampi khat hi in, a phulpi uh ah thukikum (meeting) dingin sun lamin tunga, aman khit uh ciangin ama om na ahi, St. John (23) College ah aciah laitak, nitak nai 7:30 hunin thau tawh kaplup na thuak hi. Hih thu aki kan laitak hi a, Siampipa luangin mawtaw tawh meter 3 agamlatna ah om in amit ah zong liamma ki mu hi ci hi.

Amah a ki kaplup na thau zong tua munmah ah kinusia hi ci hi. Tua thu tawh kisai Palikte’ ngaihsutna ah Siampipa in thau tom tawh aki kaplup ma in amah athat mi tawh kilaai hi kha dinghi ci uh hi. Tua thu tawh kisai thunei (upa) te in Siampipa kha ading thungetsak nading leh athat kua cih a manlangin aki theihna dingin thunget sakding cih loh bangmah thu leh la kithei nai lo hi.

https://bit.ly/2YjnyVi