Phai, Siangtho Lungtang Parish Sung Khangnote Pasian Thusin A (9) Veina, Tampi Khua (17-22.4.2024)

Rev. Fr. Damian Zam Sian Dal (PP of Phai) vaihawm Siamna tawh Tampi Khua ah Phai Parish sung a (9) veina Khangnote Pasian thu sinna noptak in ki bawl hi.
Tua sungah 17 ni zin kitungin 22 April 2024 ni zin ki ciah hi.
Pasian thu sinna pen
1. Rev. Fr. Damian Zam Sian Dal (Upna Thu)
2. Rev. Fr. Joseph Thang Nen Zo Mung (Self Care leh Sacramentu te)
3. Rev. Fr. Andrew Thang Muan Tuang (Khangnote Thuman thutak tawh Nuntakzia Ding leh RCM Pawlpi pan a Kakhia Pawlpi te akat Kum leh a phuante min) cih thulu te tawh hilh cianna nei uh hi.
Pasian thusin na ah Siampi (3), Thuhilhsia (9) leh Khangnote (180) kim pha in a (60) veina Thangkai Kual Innkuan Siangtho Khawk Pawi tawh kithuah ahih manin Saturday ni ciang zin hong tung thuah in mi vekpi (250) kim ki pha hi.
Pawisim pen Phai, Pimpih, Mualzang, Tuivial, Tuisau, Phunom, Valvum cih te leh mundang pan galtai pawlkhat zong kihel uh hi.
Tampi Khua ah inn vekpi (13) bek pha in a Khuazangin Pawlpi mi hi-in Pawl dang omlo hi. Nitaksim Lenkhopna noptak in ki bawl in a Khua Khua in la kidemna leh letsong piakna zong ki nei hi.
Tampi khua pen nidangin Tonu a kilahngeina khua khat hi ci-in Pawisim mi a pai ziahziah ngeina khua khat a hih manin Tintan kah khangnote in zong thangah pha diak uh hi.
Inntek lam pan Pawlpi makai pa in Tukum khangno Pawi ah Siampi (3) hong om thei a hih manin Tampi Khua ah Siampi tam a hong pai pen ni hi ci-in lungdamkoh thu gen na ah a thangahna thu leh a lungdamna thu pulaak khia hi.