The Pastoral Visit of Bishop Felix at Lomzang Village, Tonzang Parish (23.12.2022)

Kalay Diocese hongcing hongkem Bishop Felix pen Gamngai Khua ah 22.12.2022 ni ciah in tua pan 23.12.2022 ni-in Lomzang Khua ah a nileh in pai hi.
Zingsang nai (10) kim in tungin Lomzang Khua pan nasia takin vaidawn na ki nei hi.
Vaidawn na hun a man ciangin Missa Biakpiakna tawh ki zomto pah hi. Missa Biakpiakna a man khit ciangin sun-an ne in tua khitteh nitak lam nai (2) pawlin Lomzang Khua pan Gamngai Khua ah ki leh kik hi.
Lomzang Khua Missa Biakpiakna sungah Siadawpa, Siampi (2), Tangval Siangtho (1), Nungak Siangtho (2) leh thu zuite zong a khua kim pan hong pai uh ahih manin mipi ( 200) kim pha dingin ki ummawh hi.
Lomzang Khua ah pen RCM pawlpi a tam pen hi-in Pawlpi mi inn (36) pha uh hi.
Siadawpa a pai cil na ahih manin thuzui mite in tha ngah mah mah uh hi. Zindawn na zong nasia tak leh thupi tak in bawl uh hi.
Nek le dawn tawh kisai pen Sial Khat go in, Sialsa, Voksa, Ngalsa leh Sakhisa kicing takin a hong piak banah Siadawpa, Sial phei khat leh Ngalsa leh Sakhisa zong puasak lai uh hi.