Parents' Day at St. Peter Chuch, Munlai (July 28, 2024)

Tuni Munlai, St. Peter Parish Priest Rev. Fr. Robert Kam Khaw Hau vaihawm siamna tawh Kalay Diocese hongcing hongkem His Excellency Bishop Felix Lian Khen Thang in St. Peter Biakinn, Munlai ah Nu leh Pa Pawi Missa Biakpiakna bawlsak hi.
       Missa Biakpiakna sungah Siampilian pa leh Siampi (3) kihel in thuzuite Biakinn huang a dim phialin kikhawm thei uh hi.
         Missa Biakpiakna a man khitteh Siampilianpa, Siampite leh Nungak Siang tho te, Pawlpi sung pan U Ham teng zahtakpiakna leh letsong piakna te Khangnote makaihna tawh ki nei hi.
         Hun man khit ciangin thuzuite sung pan a vei vawdeuhte kipiakkhiatna leh mipite ii hanciamna tawh Buhsih leh Voksa khamtakin a kikhawm tengin ne thei uh hi.
          Nu leh Pa Pawi ni-in U ham te, Khangnote leh Naupangte in avekpi un amaute panmun ciat pan nuamsa thei mahmah uh hi. Tua pen alianbel Siampipa deihna Synodal Church pen tuni-in munlai kimu thei hi.