Oxygen Plant (Oxygen Generator) Thupha Piakna (7.2.2023)

Kalay Diocese hong cing hong kem Bishop Felix Lian Khen Thang makaihna tawh tuni (7.2.2023) ni-in Oxygen Plant thupha piakna ki nei hi.

          Kalay Diocese Health Commission Director Rev. Fr. Joseph Pau Lian Kham makaihna tawh Covid-19 natna ei kiang a hong tun pan ki panin Covid-19 Response Committee ki phuankhia in Gamsung gampua panin huhna tuam tuam tawh sepzawh zahin hanciam in Siadawhuang Minor sangah cinate kikem in zatui zaha leh Oxygen te piak zawh zahin ki pia khia hi. 

         Tua banah Siadawhuanga hong pailo cinate zong Fr. Joseph Kham makaihna mah tawh Sisan hopna leh Oxygen piakna ki nei hi.

        Tua hun pan ki panin Siadawpa thukimpihna tawh Oxygen Plant neih ding ki hanciam in USA Gam Portland aa om Sia Francis Thawng Cin Kham (Khampi) hanciam pihna leh Fr. Joseph Kham makaih siamna, Covid-19 Response Committee te in ki thutuak takin na a sepkhopna hang uh tawh Unicef ten huhna hongpia ahih manin tu-in Oxygen Plant a ki neizo hita hi.

        Hih Oxygen Plant pen Diocesan Youth Centre Office a ki lamna huangsungah ki lamin tu-in EPC mei kingah nailo ahih manin meiset bek tawh ki zang phot lai hi.

          Hih Oxygen Plant tawh kisai nasem Company te in hih tu a ih neih Oxygen Plant pen Kalaymyo aa om teng sung pan Quality a hoih pen a hih banah Oxygen tam a hawmkhia zo pen leh a Siangtho pen hi ci-in gen khia uh ahih manin ei Kalay Diocese aa dingin lungdam huai mah mah hi.

          Cidamlo Oxygen a kisam ih om leh Minam leh Biakna, Pawlpi ki deidan lo-in Rev. Fr. Joseph Kham (09400473135) tungah huhna ki ngen thei hi cih lungdamna thu kong tangko uh hi.

            By- Fr. Joseph Zo Mung