(Oxygen Plant) Lam Nang Mun Thupha Piakna

Kalay Diocese sungah cidam na lam tawh kisai makaipi a sem (Health Commission Director) Rev. Fr. Joseph Pau Lian Kham ii vaihawm siamna tawh Covid hun pan ki pan Diocese min tawh Oxygen ngah theih na ding ki vaihawm in thuzui mite huhna, panpih na tawh a bei sa kum in Oxygen tampi ki hawm khia zo hi.

Mailam hunte ah ei kiang panin deih bangin thun theih ding leh hawm khiat zawh ding lungngulhna ki nei a hih manin tu in (Oxygen Plant) ci-in Oxygen hawm khiat nang innpi lam ding ki vaihawm in huhna zong kingah hi.

Oxygen Plant- Innpi dingin Khangnote Zumpi ngeiah pi (30 ) kim a pha innpi khat lam ding ki sawmin Foundation thupha piakna pen Rev. Fr. Raphael Suang Cin Khup makaihna tawh Siampi (7) in May 7, 2022 ni-in nei uh hi.

Mailam hun te ah gam sung gam pua pan thu zuiteng ii hanciam na tawh ih Diocese in Clinic pan Zoto hoih khat ih neih zawh nang ngimna ki nei a hih manin ih ngimna te Topan a hong gualzawh pih nang thungen in mapang khawm ciat ni.