Nauphiatna dalna tawh kisai thu ah Siadawte lam pan limtakin a diing nading, Nauphiatna a deihlo pasal pawlkhat in ngen

Nauphiatna dalna tawh kisai thu ah Siadawte lam pan limtakin a diing nading, Nauphiatna a deihlo pasal pawlkhat in ngen

American gam, Baltimore ah nipi khuavakni (Monday) in nauphiatna adeihlo pasal pawlkhat in makai in lungphona nei uh hi. Tua lungphona sungah Gabriel Vance leh a innkuanpihte, a meltheih te kihel in mimal (20) te in Columbus, Ohio pan nai (7) a sawt lungphona ah lawptak in ki hel uh hi.
Nauphiatna pen tu hun tu laitakin ih kiim ih paam ah nasia takin ki mu hi. American gamah nisim mihing nuntakna (2300) bang kithat in, leitung bup ah nisim in (200000) bangin thahna thuak hi ci-in kum (26) apha pan Gabriel Vance in gen hi. Amah pen ‘Pro-life’ a kici, mihing nuntakna akem Catholic kipawlna aphuan khia pa hi.
Catholic Pawlpi in hi thu tawh kisai, limtak in dal huai hi. Catholic Pawlpi cih ciangin Siadawte, Siampite, Deacon te leh thuzuite in hi thu tawh kisai in kam nei lo bangin om huai lo hi ci hi.
Hih lungphona ah numei te kihel lo-in pasal vive (200) bang kihel hi. Banghangin hih lungphona nei uh hiam cih leh American gam Catholic Siadawpi te thu kikupna tawh a kituak dingin a bawl uh ahi hi. Tua lungphona pen nauphiat sakna Zato pi mai pan kipan in Khi khinna tawh khawl ding uh hi. A khawl uh ciangin amaute’ lungsim sunga om thu te pulakna nei ding uh hi. Tua bangin lungphona in mihing’ nuntakna a kem Catholic pasal te hihna alah nopna uh hi ci-in Larry Cirignano in gen hi. Tua banah Catholic Siadawpi te in Pawlpi ii Canon law nambat (915)na ii thupitna alah sak nop man ahi hi. Tua Canon Law sungah ‘A zenzen in mikhat peuhin ama khialhna akigen hangin sang siam lo-in a kikhel kei leh tua mi-in mawhna lian a bawl ahi hi. Tua ahih manin tua bang mi in Siangtho Pumpi sang thei lo hi” ci hi.
American Catholic Siadawpi te thu kikupna sungah ‘Siangtho Pumpi san na tawh kisai thupuakna’ zong kihel hi. Banghang hiam cih leh tulaitak a American kumpi pa, Siangtho Pumpi san khuan piak ding leh piak loh ding thu khentat na nei ding uh hi. Lungphona in amaute’ upna, siangtho takin anuntak sak nopna leh amaute ii a siangtho pawlpi sep ding thute a khansuah sak nopna hang uh ahi hi.
Pawlpi ii Canon Law (915) ah bang hunhun hi ta leh cih kammal kihel leh gam nasem te a cihnopna hi ding hi. Banghang hiam cih leh amaute in alungtang khauh te hi uh a, kikhel ding a hanciam lo te ahi uh hi. Tua in mipi theih in mawhna lianpi alak hi gige hi. Amaute in amau gen tawh akilehbulh ahi Siangtho Pumpi zong sang sang den lel uh hi. Tua bang thu pen ka sang zo kei hi. Hi bangin ka genna in amaute ka itman, ka thupit sak man hi. Tua mah bangin midangte zong amanlo lampi, thuman lo ka lahsak noplohna hang hi. Tua ahih manin Pawlpi’ Canon Law (915) na dal kul hi. Kep kul hi. Zuih kul hi. Nauphiatna tha apia, a sang Gamuk, gam makaite, Siangtho Pumpi piak lohna in Pawlpi thu pen Gam thu adingin zatna tawh kibang hi ci-in a gen Siadawpi te ngaihsutna ka sang zo kei hi. Tu a ka gen thu te in gam vai tawh kisai hi lo hi. Mihing nuntak khuasatzia ahi hi. Bang hang hiam cih leh mihing takpi a ki thatna hang ahi hi. Tua ahih manin nauphiatna dal nading lim takin sep kul hi. Gamtat hoihna in a sep huai thu hi ci-in Jim Havens in gen hi.

https://bit.ly/3cJ3Byt

Add new comment

3 + 2 =