Monthly Recollection of Priests of Kalay Zone (8.6.2024)

Tuni Kalay Zone aa om Siampite Pasian thu lungngaihna pen a ngeina mah bangin zingsang nai (9:00 am) pan Office Reading nget khopna tawh ki pan hi.
Tua khitteh Rev. Fr. Paulinus Thang Muan Lian (Rector of Minor Seminary) in "Note in leitung khuavak na hi uh hi. Mual dawn-a kilam khuapi kiliahcip thei lo hi (Mt 5:14)" cih Topa Jesu kammal bulphuhin Siampite in ih khuavak mite tungah ih lahzawh nang hanciam ni ci-in hanthotna nei hi.
A mah ganna ah 1. Compassion - Mite tungah hehpihna neih ding, 2. Knowledge - Thu theihna, (Talents & Skills) - Kivakna, Siamna leh 3. Virtue - gamtat hoihna leh siangtho na neih ding zia te misiangtho te leh mi minthang te om zia te tawh etkak in hih thu lu nam thum tawh nuntak zia ding te hilhcian na a neih khitteh ih gamtatna te bang tengin mite Pasian kiangah tonpih in bang tengin Pasian tawh ki gamlasak hiam cih te ei leh ei ki sittel ni ci-in thu khupna nei hi.
Tua khitteh Pasian thu lungngaihna, Mawhsutna leh Khikhinna leh sun hun thunget khopna te tawh hun te mi man siang hi.
Thu zaksakna hun ah galtai te a tunna Parish tek uh pan hih zawhzah tawpin huhna piak dan ding zia kikupna ki nei hi.
Hih Pasian thu lungngaihna sungah Siampite (19) kihel thei in Siadawpa pen Yangon ah CBCM Meeting kah a hih manin hong kihel thei lo hi.
Tu laitak pen galtai na mun aa om Siampite zong a tamzaw Siadaw huang ah om uh hi. Ih gam sungah ki ukna man nopsakna a om mengmeng nangin thu ngen ciat ni.