Monthly Recollection of Priests of Kalay Zone (13.8.2022)

Tuni Kalay Zone aa om Siampite ii khasim in a bawl Pasian thu lungngaihna pen Kalaymyo Minor sangah ki bawlin tua sungah Kha-an vakna Minor Sanguk pa Rev. Fr. Robert Pau Gin Mung in hong nei hi.

Amah in (Paikhiatna 33:20) sungah “Kei hong mute kuamah nungta lo a hih manin ka maitang na mu thei kei ding hi” ci-in Pasian in Moses tunga a gen kammal leh (John 1:18) na te bulphuhin Pasian pen a tak tak in ih muh theih loh hangin Sacramentu sungah ih mu hi. Tua mah bangin midangte maitangah zong Pasian ih muh ding kisam hi cih thu Mother Theresa ii nasepna te leh ama ii a muh ngei a zak ngei thute tawh gentehna tuamtuamte genin midangte maitangah Pasian muh theih ding zia te hong gen hi.

Pasianthu lungngaihna, Mawhsutna, Khikhinna te leh thungetkhopna te a ngeina bangin ki zomto suak in hun man ciangin thu zaksakna sungah Fr. Maximian Mungpi in maikha sungin bawlding tawh kisai vaipuak piakna a gen khitteh Fr. Raphael Khuppi in Siadawpa ii Khualzinna tawh kisai leh tuni Pasian thu lungngaihna hunsungin a hong kihel thei lo Siampite ii kihel theihloh na thu te hong gen hi.

Sun-an nek hunsungin Fr. Robert Mung vaihawm siamna tawh Intermediate Sangnaupangte in Siampite muakna la dawngkhat hong sa uh hi.