Monthly Recollection of Priests of Kalay Zone (12.3.2022)

12.3.2022 (Sat) ni Siampite Pasian thu lungngaihna ah St. Mary’s Cathedral Parish Priest Rev. Fr. Dominic Thang Suan Lang in “The Priest and the world - Siampite leh Leitung Nate, cih thu leh The Transfiguration of Jesus Christ-Topa Jesu a mel a kikhelna” cih thu te bulphuh in Topa Jesu in Pawlpi tung tawn in Pasian nasepna a hongki patkhiatna thu leh Siampite nasep ding zia te hong gen hi.
Kalay Zone aa om Siampi teng zong Rev. Fr. Andrew Go Lian lo teng kihel kim thei in tha kingah mah mah hi.
Siampite in thungetna ah Zannitak in a hong nusia Topa Go Lian ii a Nu Kha aa ding leh Kawlgam sungah ki-ukna man Democracy a manlangin ngah theih nang bulphuh in ngen uh hi.
Hun man ciangin Rev. Fr. Andrew Go Khan Nang (KMSS Director) tu hun sungin cimawh huhna Pawlpi mintawh sep khiatna te leh mailam ah sep lai ding te pulaak na hong nei hi.
Tua khitteh teh Rev. Fr. Maximum Pau Sian Mung (Chancellor) leh Rev. Fr. Raphael Suang Cin Khup (Procurator) te in zong mai kha sung sep ding (Planning) hong gen in tua khitteh sun-an nek na tawh hun te ki man siang hi.