Monthly Recollection of Priests of Kalay Zone (10.12.2022)

Kalay Zone aa om Siampite Pasian thu lungngaihna pen December 10, 2022 ni-in Kawlpi Siadawhuang ah noptakin kibawl hi.
Tua sungah Pasian Kammal tawh Kha-an vakna pen Rev. Fr. Ludovic Mathiou (MEP) in hong makaih hi.
Amah in (Matthew 10) na bulphuhin Adventu thu leh Liturgy Biakpiakna tawh kisai in hilhcianna nei hi. Amah in Adventu hun sung pen Topa Jesu hong pai na ding hun ih ngak na leh a nih veina thukhen dingin hongpai hun ding ngakna ahih na thu, gupkhiatna pen a beisa hun bekin a om hilo in ih Biakpiakna sungah a tawntungin om den ahihna thu te kician takin hong gen hi.
Divine Office thungetna pen Msgr. John Khup leh Fr. Robert Hau in hong makaih in khikhin na pen Fr. Andrew Thang Ngaih in hong makaih hi.
Tu tung pen vai tuamtawm tawh Siampite kikim zolo in vekpi in (19) kihel thei hi.