Monthly Recollection of Diocesan Staff Members (August-2023)

Kalay Diocese sunga om Zum nasem ten khasim in a neih uh ahi August kha a ding Pasian thu lungngaihna pen 25.8.2023 ni-in kinei aa, Rev. Fr. Maximian Pau Sian Mung (PP of Sts. Peter & Paul and Chancellor of Kalay Diocese) ) in hong makaih hi. 

Amah in Lungdamna Laisiangtho: Matthew 22:34-40 sung bulphuhin Pasian tawh kizopna a hoih thei nading, Pasian tungah itna leh zahtakna neih theihna ding, midangte tungah zong itna neih theih nading thu tampi leh a theih huai thugentehna tuamtuam tawh hanthotna hong nei hi. Tua bek tham lohin nasep vaipuak na tungtawnin thupha ngah theihna ding, a citak nasem hih theih nading zong hong hanthawn hi. 

Hih hanthawtna a man khit ciangin lungngaih (personal reflection) hun tawmno khat om aa, tua khit ciangin mawhsutna leh Missa Biakpiakna tawh ki zomto suak hi. Missa Biakpiakna zong Rev. Fr. Maximian in hong makaih aa, tua Missa Biakpiakna hun sungah zong Pasian thukham zui aa nuntak theih nading in kha-an vakna hong nei hi. 

Missa Biakpiakna aman ciangin Sunan nekna tawh khacin Pasian thu lungngaihna August kha ai ding a ki man siang ahi hi. I pawlpi a khantoh semsem nading in vaipuak a nei mimal kim khat ciat tungah Topan thupha a piakna dingin thungen in panpih ciatni cin hih mun pan kong cial hi.

Lungdam. 

Mr. Anthony Piang