Mobye(မိုးျဗဲ) ah Catholic Biakinncing Mipi Pawlkhat kiman

Shan gam nitumna lam aa om Mobye(မိုးျဗဲ) ah Zani June kha nili ni nitak nai 4 hun pawlin galkapte in mun alak theih loh nading in biakinn acing mipi pawlkhat galkapte in man cih thu kiza hi. 

Mobye, ပြဲကုန္း (၂) veng aa om Catholic biakinn huang sungah a kiman hi ci-in akiman kha mipi khat ii sang gamte khat in The 74 Media te kiangah gen hi ci hi. 

"Biakinn cing aa om pen biakinn huang sung dongah man uh in mipi tampi man uh hi. Koilam paipih cih zong kitheilo in khat zong hong suakta kik nailo uh hi, ci-in gen hi. 

"A kiman kha mipikhat tawh kiho nunung pen in ''Ko hong kimanin ka mai uh zong hong tuam sak uh ko aading thu hong ngetsak in acih khit te a ph kikhiat sak in kiho thei nawnlo nitak nai 4 khit zawh kizom thei nawn lo hi. A kiman mipite ph khempeuh zong a set kikhak mang hi,''ci-in gen lai hi. 

Galkap ten amat mipi bangzah cih theih zawh nading The 74 Media in a kan laitak uh ci hi. 

Mobye ah tunitak nai 4 pawl in Galkap te leh Kayan PDF te kido na ah Kayan PDF pan 2 in liam ma ngah cih thu zong suak sak uh hi. 

Kaya gam Demoso SanPya (6) mile khua aa om Our Lady of Lourde Catholic biakinnpi ah Galkap ten mun alak zawh ni 4 bang hita cih zong mite te tung pan kiza hi cihi. 

Galkapte matna athuak mite, Kayan PDF te leh mipi khempeuh te aading thungetna ah phawk ciat ni. 

June 5, 2021
Maan leh Thulakna - The 74 Media