Mizawng te ading AIDS natna kibawl nading huhna pia un, ci-in Pope Francis in thuumna nei

December ni (1)ni pen leitung bup AIDS ni ahihman in, Pope Francis in mipi tawh kalsim kimuhkhopna ah hih bangin thugen in han thawn hi.
"Mi tampi tak pen hih virus hangin gen theihna thuak a, leitung mun tuamtuam ah zong hih natna damna ding aki bawlzo nai lo mi tampi om hi, cih tuni in phawk ding thupi mahmha hi. Hihna a neite donna,khoihna leh kepna te bawlsak zawhna ding akipia khiazo te na hih dinguh kong lamen hi,”ci-in Pope in gen khia hi.

UN in a gen khiat na ah, AIDS virus aki pat 1981 kum pan natna akilawh Awn 32 hi a, 2018 kum in Awn 37.9 om hi, ci hi.

Thai gam banga numei kizuakna aomna mun te ah natna akilawh tam pen aa, 60% bang akilawh khin hi. Amau te kikep kibawl theih na'ng zatui zaha leh amun deihbangin kingahsakzo nailo hi, ci-in Rome Reports in genkhia hi.