May kha 30ni pen Kawlgam aading thungetni ci-in Philippine Catholic Diocese in taangko

Philippine Catholic Siadaw te kipawlna pan Circular No. 21-35 ahawm khiatna sungah May kha 30 ni, Siangtho To Thum, Pasian khat pawi ni pen Philippine gam bup aa om Catholic biakinn khempeuh ah Missa biakpiakna khempeuh pen kawlgam aading ahi zong Kawlgam aa hamsatna atuak mipi te leh Kawlgam Catholic ading in Missa biakpiakna bawl ding cih thu kihel hi.

Philippine Catholic Siadaw kipawlna thuvanpi ahi, Davao Siampi lian Archbishop Romulo G. Vallas, D.D in,"Kawlgam aa Catholic biakinn pawlkhat leh biakinn bel mi pawlkhat galvan lianpi te tawh akikapna hangin hamsatna athuak te aading thu hong nget pih un ci-in CBCP ah Cardinal Charles Bo in akhak lai angah na thu, Philippine Catholic Diocese in Kawlgam aading thu anget sak den hi mah ta leh Cardinal pa laikhak hangin Kawlgam aading thunget ni aki ciamteh ahih lam leh,

“Ngong tatna te bei in, kilemna omta hen. Christian te hong huh Tonu Maria aw, kote aading in thu hong nget sak in. Kote tawh hong omkhawm in,” cih tawh Siadawpa in a pulak laigual khawl sak hi.

Thulakna -RVAMyanmar