Laisiangtho siam mipil khat leh pawldang Pastor khat ii tapa Catholic Siampi suak

Photo Courtesy of: Proud of Catholic

Catholic Pawlpi in mithat pawlpi, numei paktat pawlpi hi ci-in Pawlpi a langpang den, pastor leh Laisiangtho sang ah lai hilh sia khat zong ahi, American mi Dr. Scott Hahn ii tapa Jeramiah Hahn in May 21, 2021(Fri) ni-in American gam, Ohio ah Siampi suahna za ngah hi.
Dr. Scott Hahn in ama Facebook page ah hi bangin gelh hi. “A beisa (Fri) ningani-in ka tapa Jeramiah Hahn ii Siampi suahna pen kipaktak leh lungkimtak in muhna hun nuam ka ngah hi. Amah in kei’ ta in om den ding hi mah ta leh ama ii Siampi suahni May 21, 2021 pankipan kei ma ii kha lam makai ka Pa hong suak hi” ci hi.
Dr. Scott Hahn in tu laitakin American gam, Ohio ah om in Catholic sangpi ahi, “Franciscan University of Steubenville” ah lai hilh in om hi. Amah in Catholic Laisiangtho sang ahi “St. Paul Center For Biblical Theology” a phuan pa zong ahi hi. Amah leh a innkuanpihte in 1989 kumin Catholic Pawlpi sungah honglut kik uh hi. Catholic Pawlpi ah hong lutna thu in Laisiangtho a theihna leh AD 1-325 kikal sungaa, tanglai Christian te thu, amaute’ upna a kantelna pan tanglai Christian te in Catholic te bek ahih na thu a theihna hang ahi hi.

 

16/06/2021

Add new comment

6 + 3 =