Kalay District a uk U Khin Maung Cho makaihna tawh Christmas Muakna

By the arraignment and invitaion of U Khin Maung Cho (Kalay District Administrator), Bishop Felix delivered Christmas Message to the officers who work in the department of District Administration Office in Kalaymyo on the occasion of the New Born Child (Jesus).

Kalay District a uk U Khin Maung Cho in ama i nasepna Zumpi ah a naseppih teng tawh kum sim in Christmas pawi bawl den hi. Tu kum pen kum dang bangin Pawi nasia takin ki bawl thei lo ah hih manin an vakna om sak nawnlo in thunget khopna, Christmas lasak na leh Siadawpa tung pan Christmas lungdamna thu te ngaih na cih bangin hun bawl na nei-in tua khit teh a sep lengla ahi Siadawpa, Siampi te leh Kawlpi ah Sanggam Pawlpi te kipawlna pan a makai Pastor nih te letsong piakna nei hi. Hih က ေလးခရိုင္ ေထြအုပ္ pa gen na ah hih ama zum ah nasem mi Buddist leh Christian a lang tuak in om khawm hi ci hi. A hi zongin nasepna ah Christian te leh Buddish te in ki thutuak takin na sem khawm thei hi ci-in hong gen khia a hih manin lungdam huai mah mah hi. Hih Kawlpi Buddish a tam na bek tham lo-in a Lian pen amakai pipa Kawl te na ngawn in ama makaih na zum sungah a naseppih te tawh ki thutuak takin na a sepkhop theih nangin Topa Jesu suahna pawi bawl pih a hih leh ei Christian gam ih Zogam ah Kumpi nasem te in zong a mun mun ah hih sangin a thupi zaw in bawl tek dingin zong lamen ing. A bawl nai lo ih om khak leh zong bawl huai sa ing cih thu manpha hih RVA pan hong hawm sawn ing.