Kalay Diocese in Parish Thak Khat Hong

Sakhangyi , St. Grabriel Parish thak honpawi April 23, 2022 ni photo pawlkhat screen shot

St. Mary Parish sungpan St. Grabriel Parish, Sakhangyi honna April 23, 2022 ni-in Siampi Lian Felix in nei hi. Hih Parish thak hon hun bawlna pen zingsang lam nai 9:00 pawl in Siadawpa leh a pawlte vai dawnna ki nei hi. Vaidawnna teng a man khit ciangin Bishop Felix makaih na tawh Missa Biakpiakna ki nei hi. Tua Missa Biakpiakna hun sungin Parish thak a keem ding Rev. Fr. Anthony Hem Sei in vaipuak neihna ding kiciamna leh vaipuak piakna om hi. Parish thak ii a huam ding khua teng leh Parish inntuan na thupulak pen Rev. Fr. Dominic Langh (P.P., of St. Mary) in hong nei hi. Siangtho Pumpi sang ciil numei leh pasal a vekpi un 15 bang om uh hi.

Missa Biakpiakna a man khit phetin St. Mary pan in Rev. Fr. Dominic Langh, thuhilh siate leh pawlpi makaite pawlkhat in Parish thak inntuan na bel leh lai ip piakna nei uh hi. Mipi zong ki tam mahmah aa zong thalawp thei mahmah uh hi. Sun 12:00 pawlin Biakinn tual ah ann nekna ki nei aa, khual pan aa hongpai mipite zong tampi om uh hi ci-in makai khatin hong gen hi.

Ih Biak Pasian in St. Grabiel Parish, Sakhangyi sung aa om Pasian na semte, thuzuite leh Biakna sungah hong kihel nailo mimal kim tungah ki-itna thupha, upna muanna thupha tu leh a tawntungin hongpiak sak tawntung ta hen. A kua mahpeuh in thungetna sungah ih hel ding zong a ki hanthawn hi hang.

Parish thakhon ni Photo pawlkhat zong hong hawmsawn nuam ing.

Add new comment

8 + 4 =