First Mass of Annual Assembly of Priests of Kalay Diocese (1.2.2024)

Tuni zingsang Msgr. John Khup makaihna tawh Diocesan Pastoral Centre ah Missa Biakpiakna noptak in kibawl hi.
Amah in Topa te kum dang in Covid leh ih gam sung buainna te hangin hi bangin ki kaihkhop ding hamsa hi mah ta leh tu kum hi bangin hong ki kaikhawm theisak ih Biak Topa Pasian tungah lungdam hi ci-in lungdam na thu pulak masa hi.
Tua khitteh tuni aa ih sim Lungdamna Laisiangtho bulphuhin "Priestly Identity" cih thulu tawh Siampite zuihding a kisam thu te, a diakdiak in Topa Jesu in a nung zuipite nihta in Mission a paisakna pen ki pumkhat ding, na semkhawm thei ding cihna leh nih pha leng mawhna bawllo zaw ding cih deihna tawh nihta in a paisak a hihna thute ama tuahkhak thute tung tawnin Siampi te zuih theih dingin hilhcianna hong nei hi.
Tuni pen Siampi te in a mau te ii kihelna Commission ciat uh ah nasep zia ding thu kikupna kinei hi.
A diak diakin Priestly Council te in zing sang lamin thu kikupna nei uh hi.
Nitak lampen Siampi te Group (A) leh (B) in ki khen in Bawlung kidem na nop tak in kibawl hi.