First Gospel Touring of Theological Seminarians (15.10.2023)

Sang khak sung Kalay Diocese sunga om Seminarians te a makaih Rev. Fr. Raphael Suang Cin Khup leh Sakhangyi Parish Priest Rev. Fr. Anthony Hem Kho Sei te vaihawm siamna leh makaih na tawh (15.10.2023) ni-in Tangval Siangtho te Kalaymyo panin Sakhangyi ah kikhawm in va pai uh hi.
Missa Biakpiakna sungah thuzuimi (300) kim kihel thei in Missa Biakpiakna a man khit ciang in Tangval Siangtho (Brother) te in Khangnote tawh Pasian thu tangko na, hun bawl na khat nei-in tha kingah mahmah hi.
Sakhangyi Khua pen Parish thak khat hi-in a lawp mahmah leh a pattah huai mahmah khua khat hi-in a maute lawpna leh zindo siamna hangin Tangval Siangtho te in zong tha ngah mahmah uh hi.