Eucharistic Celebration led by Msgr. John Khuppu on the Solemnity of the Assumption of the Blessed Virgin Mary at the Assumption Intermediate Seminary, Kalaymyo (15.8.2022)

Vantungah aki lato Tonu Maria Pawipi Missa Biakpiakna

Vantungah aki lato Tonu Maria Pawipi ni-in Kalaymyo Assumption minpua Siampi sinna sangah Msgr. John Khuppu makaihna tawh Missa Biakpiakna ki bawl hi.

Tua sungah Siampite (12) ki helin, Salesian sangnaupangte, St. Theresa Nungak Siangthote leh Sangnaupangte aa kipan Vang teng pan hongpai thuzuite tawh mi vekpi (200) dektak kipha hi.

Missa Biakpiakna sungah Msgr. John Khuppu in Tonu Maria ii hoihna phatna te etteh ding leh a diak diak Siampi a suak nuam Sangnaupangte in Tonu Maria belin thu nget ding a kisapna thu te hong gen kawm in, ama ii sangkah lai aa thunget ahanciam zia, Tonu belin thu anget zia te hong genin tha kingah mah mah hi.

Missa Biakpiakna a man cingin Minor Sanguk pa Rev. Fr. Robert Pau Gin Mung in Covid hang tawh hih Biakinn sungah kum nih kim bang kikhopna a om theih loh kawmkal pan tuni, Tonu pawini leh Sang pawi ni-in hi bangin noptakin Missa Biak theihna ding hun nuam ahongpia Topa Pasian tungah lungdam hi ci-in Pa Pasian tung lungdam a koh khitteh, Siampite te leh Missa Biakpiakna sunga a kihel mimal khat kim tung, Siadaw te tungah a lungdamna thu pulaak hi.

Tua khitteh a kikhawm teng a lim mahmah (Breakfast) Zing-an tawh vitamine behlapsak hi.

Hih Assumption Intermediate Seminary ah tu laitakin Formator- laihilh leh Sangnaupangte a pattah Siampi (3) om in a pua lam pan in zong akisapna tawh kizui-in laihilh Siampite leh Nungak Siangtho te zong om hi.

Sangnaupang pen tan (10) Aung khin Maymyo Major sangah lut theih nading a hanciam kum (1-4) sung a kigawm vekpi mi (50) pha hi. A maute a ding thu ngetsak ciat ni.

Add new comment

2 + 0 =