Diocese mintawh Sawbua Parish Sung Yedote ah huang golpi khat kinei

Sawbua Parish Sung Yedote ah Kalay Diocese mintawh huang golpi khat kinei-in a beisa kum pek pan dolkungte tawm tawm in ki suanin kumsim in tawmta ki behlap hi.

Covid Kipat zawh deuh (2020) kumin Kalaymyo aa om Parish kim pan Khangnote huhna tawh dolno leh haina a ki suan te zong upmawh na sang a tam zaw (3/4) bang hing a hih manin lungdam huai mah mah hi.

Singno a ki suan nailo huang golpi om lai a hih manin tua munte ah huang um, dai kai-in Bawng ki khawi sawm hi. Tua bek thamlo in Bawng an ding zong (lo/gampa) ki suan sawm hi.

Tu ni-in na sem te in dai kaih na zo khin ta a hih manin Bawngbuk mun ding leh gampa suan na ding mun teng kipsakna ki nei hi.

Ih ngimna ih ngelna te Topa Pasian in a hong tang tunpih nangin ih hih theihna mun ciat pan mapang khawm den ni.