DEACON ORDINATION (April 9, 2022)

BRO. AUGUSTINE PAU SIAN MANG in (April 9, 2022) in Deacon Ordination ngah ding hi, Photo pen Minor Ordination a ki ci Ministry of Lector a ngahni aa hi

Vangteh Khuami, Tahan St. Theresa Parish aa teng Pa Andrew Hau Khen Mung leh Nu Regina Niang Ngo Dim ten tapa nih a neih lak pan a Upa pen BRO. AUGUSTINE PAU SIAN MANG in (April 9, 2022) ni USA gam Nashville, Tennessee State ah (USA huh zingsang nai 10:00, Myanmar hun nitak nai 8:30) in MOST REV. BISHOP MARK SPALDING khut tung pan DEACON ORDINATION, Deacon suahna za ngah ding a hih manin, buaina om lo in cidam lungnuam takin a ngah theih na dingin thu ngetsak ciat ni.

Bro. Augustine pen Myanmar gam pan sang a man khitteh USA ah pai-in Nashville ah Seminary lutin tua pan Rome ah Theology Sin in tu-in ama om na Diocese Nashville ah Deacon suahna za a ngah dingin a ciah pak ding ahi hi.

A mah pen Theology sang man nai lo a hih manin USA pan Deacon suahna pawi a man khit ciangin Rome ah Theology sin dingin pai kik phot lai ding hi. A sang man siang khit ciangin Siampi suak thei pan ding a hih manin Siampi a suah zawh na dingin thu ngetsak ciat ni. Ei Zomite sung pah USA gam ah Diocesan Priest a suak masa ding a hih manin lungdam huai mah mah hi.

Photo pen Minor Ordination a ki ci Ministry of Lector - Missa Biakpiakna hun sungin Lai Siangtho masa leh nihna te sim theih na ding Phalna a ngahni in a ki zaih man hi-in tu-in kum nih pha khin hi.

Pawisim in a pai zo dingte aa ding

Address- Catholic Pastoral Center 2800, McGavock Pike Nashville, NT:37214, United States.

 

Add new comment

7 + 3 =