Covid-19 Hunsung RVA pan Nasepna

Philippines gam RVA zumpi pan thungetsakna leh Pasian thu tangko nate banah cimawh huhna nei uh hi. Kalay Diocese pan-in zong Siampi Lian Felix in dammawh thungetsakna leh thapiakna nei hi. RVA Tedim Chin Service pan Director Rev. Fr. Joseph Zo Mung makaihna tawh Covid-19 a ngahsa miten dam siangthona a ngah theihna ding leh hih natna Lungno Leitungpan a bei siang theihna dingin Novena Missa nei hi.

Covid-19 in Leitung munkhempeuh hong buaisak mahmah hi. Leitungah hih pulnatna hongtung hi cih a ki tangko khiat lai-in FABC- OSC leh RVA Pau nam tuamtuam tek tawh thuki kupna nei uh hi. Gam tuamtuam pan aa RVA tanu tapa ten zong mipite huh theihna dingin ki pawlna tuamtuam te tawh mapang khawmin han ciam mahmah uh hi. Zoom pan leh Social Media tuamtuamte tungtawnin omna inn tekpan thu kikupna tuamtuamte hong ki limzat zaw deuh hi. Media te tung tawn-in thapiakna leh bang ci bangin kidal ding cihte zong ki hawm khia aa, A Lianbel Siampi Pa in hih bangin na gen hi. “Laukei in Pasian in hong ompih hi. Hamsatna leh cihmawh zawngkhalna a thuak ih sanggamte kiangah pai-in va huh ciat ni.”

Thuzui a kuamah ciatin ih omna tekpan thungetna tawh mapangin Covid-19 hong tun lohna ding kidalin ham ciam ciat ni.