Congratulations! Deacon Francis Kham (April 1, 2023)

USA gam Diocese of Nashaville ah Sia Francis Kham leh a lawmte vekpigawm (13) in Permanent Deacon Suahna za USA hun (April 1, 2023) ni-in nuamtakin ngah thei ahih manin Kalay Diocese mintawh ih lungdampih mahmah hi.
A mah pen ei Zomi te sung pan Permanent Deacon a suak masa hi kha ding hi. Tua banah hih Deacon suah pawi ah ei Kalay Diocese pan Rev. Fr. Robert Kimpu leh Rev. Fr. Titus Pau te zong kihel thei uh ahih manin eimite aa dingin lungdam huai phadiak hi.
Tuni aa Deacon a suak thak (13) te in mailam ah Pasianna tangzai takin a sep zawh semsem nangun thu ngetsak ciat ni.