(Catechists' Ongoing Training) Khampat ZoneThuhilhsia te Pasianthu Sinna (4-8 Oct, 2022)

Khampat Zone sunga om Thuhilhsia te Pasianthu Sinna ( Ongoing Training) pen Khumnuai Khua ah (Oct 4-8, 2022) ni dong nuamtak in kibawl hi. Tua Thusinna hun sungah Khampat sung aa om Thuhilhsia (41) lak pan (38) kihel thei hi.

Pasianthu sinna sungah Khampat sunga om Siampite in kikhel diam duam in nisimin hilhcianna nei uh hi.

Tua banah Kalay Diocese hongcing hong kem Bishop Felix in zong nai (1:30) sung Pasian thuhilhna nei-in Siate in thangah mahmah uh hi.

Inntek Siampipa Rev. Fr. Cyril Dong Suan Pau makaihna tawh atawpni pen Khampat Zone Youth Fellowship zong kibawlin lenkhopna zong tu hun tawh kituak in a lem thei bangbang in kibawl hi.