CARDINAL CHARLES BO TUNG PAN KITEELNA DING TAWH KISAI NGAIHSUT PIAKNA

GUIDELINES FOR ELECTION IN MYANMAR (2020) by Cardinal Charles Bo (Archbishop of Yangon Archdiocese) KUM (2020) NOVEMBER KHA SUNG KAWLGAMBUP KITEELNA DING TAWH KISAI ZUIH DING THU TE, YANGON ARCHDIOCESE A CING A KEM CARDINAL CHARLES BO TUNG PAN NGAIHSUT PIAKNA KAWLGAM SUNGA OM MIPI TE TUNGAH THUM NA KAWLGAM BUP KITEELNA HUNSUNG IN LIMTAK NGAIHSUN IN ME (VOTE) PIA CIAT UN Cardinal Charles Mg Bo, Archbishop of Yangon Archdiocese Kongit Sanggamte aw, A masa pen in dam maw ci-in kong hopih hi. Tu hun tu laitak pen buaina hamsatna tampi tawh a kidim hun hi-in hih hong tung puulnatna hang tawh lungkham dahna a thuak mimal khat kimciat aa ding thu kong ngetsak hi. Pa Pasian in ii Gam ii lei lauhuaina khempeuh pan hong cing/dal in hong kem tawntung ta hen! Mai aa hongtung ding November kha sungin ih Kawlgam buppi in ki teelna a bawl ding ih hita hi. Tua kiteelna sungah kawlgam mikhat ih hihna tawh kituak in ei hong makaih ding (Hlutthaw) tangmi Makai ih teel ding hun ahi hi. Tangthu in a ki ciing ding hih kiteelna hun thupi sungah leitung minam vai (political) mintawh hi lo-in, Biakna lam khathu tawh kisai in note mahbangin thuzuimi khat ka hih na mintawh Gam leh Lei aa ding deihsak na tawh ih Gamsunga om mimal khat kimciat in neklehdawn ki cingin nuntak nuam in a nuntak kim theih nang lungngulh ka hih manin hi bangin a hong gen khia ka hi hi. Me (vote) pia dingin na ngaihsut laitak un hih a nuai aa nam (10) te bulphuhin limtakin na ngaih sut dinguh kong deih hi. Me piak ding hun ciangin nang ii om na mun aa Me Kuang lui mite limtak in khat khitkhat enkak inla kua in bang pilna, siamna nei-in muanhuai pen hiam, Bang Party in kei ii piak ding Me ngah huai pen hiam cih limtakin na ngaihsun masa hamtang un. 1. Me piakna ih cih pen eite aa dingin a thupi leh a manpha mahmah vaipuak lian khat ahi hi. Tua bek thamlo in Me khiat theihna pen gam mi hihna lahna ahih manin seploh (Me khiat loh) aphamawh vaipuak lian khat ahi hi. Me piak theihna thupha ngah nahih manun lim takin zangsiam un. Me khia lo in om kei-un. A kicing suahtakna (Democracy) hong piangkhia ta hen! 2. Mite tungah uknopna (Aana), thuneih nopna lungsim nei lo-in DEMOCRACY ki ukna sungah ki-it, ki lem ki thutuahna tawh kalsuanpih nopna lungsim a nei taktak te bek Me na pia un. 3. Sum leh paai, min leh za a nei, Lampi manlo tawh hauhna a ngah (Crony) te thapia lo zaw in, mizawng daaipam te thudon in huhnopna lungsim a nei mite bek Me na pia un. 4. Kawlgam sunga om leisung sumpiangte amaute ii phattuam na ding bekin a zang mite Me na pia kei un la, Gam leh lei a it, mipite tungah thumaan thutak tawh deidan neilo in makaih nopna lungsim a nei te bek Me na pia un. 5. Khat leh khat ki muhdahna a khan nadingin nasem mite kua te ahi hiam cih na kantel unla, tuabang mite na peel un. Bang hang hiam cih leh amaute pen gam leh lei, lehhekin a daisakte ahi uh hi. 6. Gamdang mite tawh ki pawlin Kawlgam mite tung pan phattuamna ngah nopna lungsim bek tawh nasem Crony te, na peel un. 7. Mihingte picing takin a khangto sak ding, mite khantoh nang lampi ahon sak ding leh Khangnote nasep kician angah kim theih nang hanciam takin a sem nuam mite Me na pia un. 8. Laitan pilna neih bek tawh lungkim lo-in, ki niamkhiat takin thuman na leh cihtakna tawh na a sem nuam mite na zong unla (MP) dingin Me na pia un. 9. Covid-19 puulnatna, cihmawh zawngkhalna leh inn leh lo nusia in galtaina cih bangin, lauhuaina gal tuamtuam te pan ahong honkhia zo ding Makai hoih na teel khia un. 10. Kawlgam sunga om mimal khat kim ciat tungah gamvai leh sumzon nasepna te ah khat leh khat ki deidanna omlo-in phattuamna ihngah kim ciat nang lungngulhna tawh na asem Boyoke Aung San leh Azani Makai te ii a lungtup maban te, tangtung in (Federal) Gambup aa ding thukhun khat nuaiah ei mau mun ciat tawh ki zui-in suakta takin ki-ukna a kingah nangin Me pia ciat un. Zokam tawh a lek khia Rev. Fr. Joseph Thang Nen Zo Mung Director of OSC & RVA Tedim Chin Service Kalay Diocese, Kalaymyo (Sep 30, 2020).

#RVATedimChinService, #news, #Election, #rvachin, #Zomi, #Tedim,