Cardinal Charles Bo leh Kawlgam a om RVA Language Services teng Thu Kikupna (3.5.2023)

Yangon Archdiocese acing akem Cardinal Charles Bo (FABC-President, CBCM-President) in Kawlgam sunga om RVA Language Service teng, Yangon Archdiocesan Pastoral Centre ah May 3, 2023 ni-in thu kikupna neihpih hi.

Kawlgam sungah RVA Language Service 1) Myanmar 2) Karen Pwo 3) Karen Sagw 4) Kachin Jinghpaw 5) Kachin Lisu 6) Kachin Rawng 7) Chin Tedim 8) Chin Hakha 9) Chin Falam 10) Chin Kcho cih bangin nam (10) om-in tua sung pan tua sung pan mi (22) hih meeting sungah kihel in Hakha, Falam leh Kcho te lampi haksatna tawh kua mah hong kihel zolo uh hi.

Hih thu kikupna sungah a beisa aa nasepna teng adiakdiak in (Strength & Weakness) gualzawhna leh thaneemna teng Language Service Makai teng in Cardinal pa tungah pulaakna nei-in tua khitteh tu laitakin Philippine gam tawh kizopna tawh kisai-in anopna leh hamsatna te a diakdiak in Kawlgam pan Philippine gam ah nasem in a om te in genkhiatna nei uh hi.

Tua khitteh Cardinal Charles Bo in RVA tawh kisai-in tu laitak Philippine gam a buaina teng leh (FABC) pan Siadaw te ngimna te gen khiatna a neih kawm in RVA nasepna ii a thupitna leh RVA Staffs teng ii hanciamna te tungah lungdam kohna nei hi.

Tua khitteh mailamah mun dang pan huhna ih ngah nawn kei leh zong ei leh ei hanciamna tawh a beisa hun te sangin a picing zaw in ih sepkhiat zawh nang a kisapna thu te zong gen khiatna hei hi.
Thu kikupna aman khitteh lungdam koh Missa Biakpiakna na leh nitak an nekkhopna nuamtak in ki nei hi.