Blessing of Marian Grotto At Phai, Sacred Heart Church (13.5.2023)

Siangtho Lungtang Parish Priest Rev. Fr. Damian Zam Sian Dal vaihawm siamna tawh Kalay Diocese hongcing hongkem Bishop Felix Lian Khen Thang in tuni-in Phai ah Tonu Suangbuk thupha piakna nei hi.
Hih pawi ah Siadaw (1), Siampi (13), Deacon (1), Nungak Siangtho te leh mipi vekpi gawm (1000) kim kihel uh hi.
"Hih Tonu Suangbuk, Tonu lim leh Our Lady of Fatima Tonu lim Biakinn pi sunga a kizang teng khempeuh pen Kalaymyo aa teng Tuithang Khua mi Pa Matthew Nang Za Kap te ii piakkhiat hi-in tua banah hih Pawi sunga nekledawn teng khempeuh zong amau innkuan mah ii piak khiat hi" ci-in inntek Siampipa Rev. Fr. Damian Dal in lungdam kohna ah pulaak khia hi.
Siadawpa in Fatima khuapi ah Tonu a kilahna thu, Tonu Suangbuk lamnà ii a thupitna, Tonu belin thunget ding a kisapna leh thupha bawlna ii manphatna thu te genin mipi in thangah mahmah hi.
Intek Siampipa in Fatima Tonu pawi ni lian mah in hih Fatima Tonu suangbuk hon pawi bawl ding cih ngimna tawh ngaltai tampi om mah ta leh amah leh thuzuite pawl khat tai tuanlo in Novena a bawlna te uh Topan sang ahih manin tuni-in Pawi nasiatakin a bawl zo ahihna thu tetti pan na nei hi.