Blessing of Clergy House at Tedim ( April 6, 2022 )

Blessing of Clergy House

Kalay Diocese hongcing hongkem Bishop Felix in Tedim Myoma aa om Siampi inn thupha piakna April 6, 2022) ni-in nei hi. Hih Siampi inn pen Msgr. John Deng Cin Khup leh Rev. Fr. Cyril Thang Dong Mang te makaihna tawh Foundation pan a ki pan to to hi-in haksatna tampi kawmkal pan inn hoih mah mah kat ki nei zo a hih manin ih Biak Topa Pasian tung leh a vaihawm Siampite aa ki pan sum leh paai, tha leh ngal tawh a huh mimal kim tungah nakpi tak lungdam hi.
Hih Siampi inn pen Kalay Diocese sunga om Siampi inn teng pan a hoih pen hi-in Kawlgam sunga Siampi inn te sungah zong a hoih sawm ki teel leh ki hel kha dingin ka lam en hi. Inn hon pawi lai-in zong Siadawpa leh Siampite (20) val bang nuam takin hih innpi sungah lum thei in zat nuam mah mah hi. Inn honpawi lai aa man pawl khat hong post zo pan ung.
Hih Siampi inn hon pawi ni-in naupang (150) in zong Christma han thohna sang thei uh a hih mannun lungam huai mah mah hi.
Christma hanthohna a sang naupangte in zong Parish sung khua kim panin om in nitak pen gam sung buai na hang tawh len khopna ki bawl thei lo hi.
Innhon pawi la pen Nupi leh Papi teng in Zola tawh sa in zak nop mah mah uh hi. Missa Biakpiakna hunin zong khangnote lasam siam uh a hih manin Biakpiakna sungah zong tha ki ngah mah mah hi.

Add new comment

5 + 11 =