Blessing of Clergy House at New Lailui Village (11.4.2024)

Lailui Siampi Inn thak

Rev. Fr. Wilfred Do Suan (PP of Lailui) vaihawm siamna tawh Lailui Khuathak ah Kalay Diocese hongcing hongkem Bishop Felix in Siampi Innthak thupha piakna April 11, 2024 ni-in nei hi.
Tua Pawi pen zinsang nai (8:30) in Siadawpa Vaidawnna tawh ki pan in tua khitteh Siampi Innthak thupha piakna leh Missa Biakpiakna te tawh kizom suak hi.
Hih Pawi ah Siadawpa leh Siampi te (20) ki hel thei in thuzui te zong Parish sung bek thamlo in Saizang leh Heilei khua zong pan tampi pai-in mipi (500) val bang ki pha ding hi. Sun an nek khitteh mipi te ki ciah kik hi.
Lailui khuatak pen a mun zong hoih mahmah in a sawtlo in Tedim tawh ki zom thei kha ding hi. Biakinn huang zong hoih mahmah in tu-in a khuazangin seh thum suah seh nih bang Khuathak ah kituah khin zo uh hi.

Add new comment

20 + 0 =