Blessed Joan Roig i Diggle

Spain gam mi, khangno khat Blessed in kipahtawi

A beisa (7 November 2020) ni-in Spain gam, Barcelona aom, Joan Roig i Diggle min nei, khangno khat thupha ngah mi (Blessed) in kipahtawi a, tua Missa biakpiakna pen Barcelona Siadaw ahi, Cardinal Juan Jose Onela in bawl sak hi.

Joan Roigy Diggle pen Spain gamsung gal ki-do hunin thahna athuak, kum 19 gual khangno khat hi. Spain gam sung gal ki-do na ah thuzui mi tampi te in upna hangin thahna thuak uh hi a, tua sungah NulePa te, khangham sa Pi teek Pu teek te, khangno te, Siampi te, nungak siangtho te leh Siadaw te tampi ki hel hi. Tua lak ah thuman in a kiniam khiat hih asiangtho tangval pa zong ki hel hi. Amah pen Spain gam, Barcelona khua ah 1917 kum, May 17 ni-in suak hi.

Innkuan sung nuntak haksatna hangin EI Masna ah kituahin anaupang tung mah in nasep hanciam mahmah hi. Nasep a tam mahmah hangin nisim Missa, Pasian thu lungngaihna leh khi khenna te pelh ngei lo ahih manin Pasian thu ahanciam mahmah khangno khat in ki ciamteh hi. 1936, July kha in ama nasepna khangno zum leh Biakinn ki hal a, asawt lo in galkap te in amah man uh hi.

A nu tawh aki khen ma in anu kiangah a gen anunung kammal in “Pasian in kei tawh hong om khawm hi” cih ahi hi. Galkap te in amah thau tawh akaplup ma in “Jesu kumpi minthang ta hen” ci-in ki-ko hi.

https://bit.ly/32VeRmz