Birthday of Mary, End of Novena to Velankanni Mary at St. Mary Cathedral, Kalaymyo

Tuni Sep 8, 2023 ni pen Tonu Maria ii Suahni hi-in Velankanni khuapi ah a kilang Tonu Maria ii pawi ni in zong ki bawl hi.
Velankanni Khuapi ah Tonu Maria kilangin tua lai ah cina damsak a hih manin leitungbup ah Velankanni Cidamna Tonu ci-in ki ciamteh hi.
Velankanni Cidamna Tonu tungah Novena ni (9) sung ki bawlin tua pen zannitak in mankhin hi.
Tuni pen Tonu Suahni Pawi leh Novena man khit lungdam kohna Missa Biakpiakna a ki bawl hi-in Missa Biakpiakna pen Bishop Felix in hong makaih in tua sungah Siampi (9) kihel hi. Thu zuite pen mi (2000) kim pha dingin ki lamen hi.
Missa Biakpiakna man khit ciangin Tonu Laikhak te thupha piakna leh halna, Tonu lan khiatna cihte ki nei in hun manciang khangnote makaihna tawh အုန်းသီး kihawm hi.
Siampite leh Nungak Siangtho teng nitakan lim mahmah tawh kivak hi.
Tuni zingsang lam guah tam mahmah in mun tampi ah tuicing ahih manin nitak hun bawl ding tawh kisai ki lungkham hi mah ta leh Topa Jesu in a Nu Tonu Maria ii Suahna Pawi limtak in ih muak theih nadingin khua hun te hong hoih sak a hih manin ih lungdam mahmah hi.
Hih Cidamna Tonu Novena ih bawlna hangin damna angah manin tetti apang zong om ahih manin lungdam huai phadiak hi.
Mailam hunte ah Tonu in eite hongcing hong kem den ta hen! Amen.